ازيكم يافتوكات ياحلوين انا النهاردة جيبالكم تجربتى وعن جد والله مع شعرى
انا ولدت بنتى ملك من 5 شهور وكان شعرى كويس انا على فكرة شعرى ناعم وطويل وخفيف
واتفاجأت بعد الولادة ان شعرى بيسقط بطريقة غير عادية لدرجة انى كنت ممكن املى كيس بحاله من الشعر المتساقط
وبعدين شعرى اقرع من قدام وبقيت قرعة من الجانبين وشكلى وحش
فقررت انى مسكتش واقضى على المشكلة دى بس على فكرة انا كنت مهمله خالص مش بغسل بشامبو وبغسل بصابونة بريحة عادى
وده كله غلططططططططططططط
رحت اشتريت نوع شامبو حلو وبلسم اسمهم kanechomn والبلسم من نفس النوع كل واحد منهم ب 15 جنيه يعنى مش غاليين
وجبت حمام كريم اسمة look n cream هو مستورد بس كويس ورخيص ب7 جنيه اهم شئ فى الموضوع
انا بقولكم اللى انا عملتة بالضبط علشان تستفادوا والله مش اكتر
المهم فى صيدلى ادانى امبولات حقن اسمها الو ايفا بالصبار والله هى ممتازة جدا انا بعد ما جربتها
مع الشامبو والبلسم لمدة شهر كانت النتيجة هايلة ومن اول مره استعملت الحقن حسيت بالفرق
بس اهم حاجة لو شعرك طويل قصية علشان تحسى بالفرق لان الشعر الطويل بيجهد بسرعه ومش حتبان علية النتيحة ودلوقتى
كل الاماكن اللى مكانش فيها شعر نبتت والله بجد يارب اكون افدتكم منقول ...